** [ 尺寸 ]**





闊度 : 28毫米


長度 : 75毫米


重量 : 22克


用料 : 港幣5元, 1元, 5毫 和 銅





**[ 產地/ 香港 ]**


製造方式/全手工製作





**[ 產品故事 ]**


UFO貓貓





之前做過一個貓星人捉走地球人嘅coin


兩個月前突然有一日發夢


夢到貓星人隻coin


但隻UFO係立體


訓醒仲要記得個夢


即刻記低佢返去試





相傳有兩個情況會俾貓星人夾走





第一種


貓星人畢業後返貓星


會化身成UFO船長


其實佢地都好唔捨得各位奴才


所以會忍唔住帶埋佢地走


不過帶嘅方法有啲粗暴


好似夾公仔咁夾住走。。。





第二種


貓星人有日聽到可惡嘅人類傾移民


但完全冇諗過帶埋自己走


人類肆無忌憚係貓星人面前講大計


佢地覺得貓星人聽唔明自己講嘢


直到深夜俾UFO夾走嗰刻先發現


實在太天真喇。。。


至於點解要夾佢地走？


可能因為佢地移民地點太近喇


不如玩大佢直接返貓星🤡





其實貓星人只係寵物代表


養過寵物都知道


寵物已經係屋企人


有唔少朋友話阿爸阿媽幾唔鍾意貓貓狗狗


領養咗返嚟唔夠3日


已經對佢地好過對仔女


所以大家記住


除左領養不棄養


就算冇能力帶埋佢地走


至少陪伴到佢地畢業先再走





講咗咁耐





其實UFO貓貓


係繼橡子後第二個project


至於會做幾多個


我都仲未諗到


做落就會知道